Холанд кетади. Трансфер суммаси аниқ

“Боруссия” ёзги трансферлар вақтида Европа грандлари кўз тикаётган Эрлинг Холандни ушлаб қололмайди. Гарчи норвегиялик ҳужумчи клуб билан узоқ муддатли шартномага эга бўлса-да, унинг агенти Мино Райола битимга футболчини 75 миллион еврога  олиш имконини берадиган банд киритган.

Унга кўра, бу банд 2021 йилнинг июнь ойида кучга киради ва Холандни ўз сафида кўришни истаган клуб 75 миллион евро билан унга эгалик ҳуқуқини сотиб олиши мумкин.

Холанд дортмундликлар сафига 2020 йилнинг январида “Зальцбург”дан келиб қўшилганди. Унинг трансфери 20 миллион еврога ҳал қилинган. Ҳужумчи бир йил давомида “Боруссия” таркибида 32 та ўйинда 33 та гол урди.